SOCAR-ın “Azəriqaz” İB-nin şəhid əməkdaşı şəhadətə ucaldığı gün yad edildi

2020-ci il Vətən müharibəsində torpaqlarımızın azadlığı uğrunda canlarından keçən şəhidlərimizdən biri də SOCAR-ın “Azəriqaz” İB-də çalışmış Zaur Mədətovdur. Zaur Mədətov Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə savaşıb. Oktyabrın 8-də şəhidlik zirvəsinə ucalıb. Bu məqsədlə SOCAR-ın “Azəriqaz” İB-nin rəsmi şəxsləri və Həmkarlar İttifaqı Komitəsinin sədri şəhidimizi öz evində, doğmaları ilə birgə anıblar. Zaur Mədətovun atası Kamal Mədətov şəhidlik zirvəsinə ucalan övladı ilə fəxr etdiyini, göstərilən diqqətə görə Birlik rəhbərliyinə minnətdarlığını bildirib. Zaur Mədətovun keçdiyi həyat yolu yad edildikdən sonra onun yaşadığı küçədə atası tərəfindən inşa edilən şəhid bulağında xatirəsi ehtiramla anılıb.